MADABA yavuka lengo utoaji wa chanjo ya Surua na Rubella

Posted on: August 29th, 2024

HALMASHAURI ya Wilaya ya Madaba imevuka lengo la utoaji wa chanjo ya Surua na Rubella  jumla ya watoto 8010 sawa  na asilimia 115.

Akizungumza katika kikao cha  tathimini ya utekelezaji  wa kampeni ya chanjo ya surua na Rubella kwa watoto wenye umri kuanzia miezi 9 hadi 59 mratibu wa chanjo mwenzeshaji wa chanjo Alex Magasha amesema surua na Rubella  yanasababishwa na Virusi vya morbillvirus vinavyoenea kwa haraka na kuathiri watu wa lika zote hasa watoto wenye umri chini ya miaka mitano.

Magasha amesema magonjwa haya  kuenea kwa njia ya hewa  hususani mgonjwa  anapokohoa au kupiga chafya na maambukizi kuenea kwa haraka  sehemu zenye msongamano.

Hata hivyo amesema ugonjwa wa Surua na Rubella unadalili kama vile homa,kutokwa na upele vidogo vodogo  ambavyo huanza usoni,nyuma ya masikio na kusambaa mwili mzima,mafua na kikohozi na macho kuwa mekundu na kutoa machozi.

“Madhara ya ugonjwa wa Surua na Rubella masikio kutoa usaha  na kusababisha kuto sikia,Nimoni,Utapia mlo,vidonda vya macho vinavyoweza kusababisha ulemavu wa kuto kuona,ulemavu kwa mtoto na kupoteza maisha”.

Amesema utekelezaji wa wa kampeni katika halmashauri ya Wilaya ya Madaba ilitekeleza zoezi la utoaji wa chanjo ya Surua na Rubella katika vituo 21 ambavyo vinatoa huduma za chanjo.

Imeandaliwa na Aneth Ndonde

Kutoka Kitengo cha Mawasiliano Halmashauri ya Wilaya ya Madaba

Agosti 28,2024.