Masile SACCOS Mbeya walivyojifunza Mahanje SACCOS Nane nane Mbeya

Posted on: August 5th, 2024

Meneja wa  Masile SACCOS Mbeya  Rodina Mbwaga ametembele Mahanje SACCOS Madaba  na timu yake kwa lengo la kujifunza katika maonesho ya Nane nane Mbeya.

Meneja wa Mahanje SACCOS Kassim Masengo akizungumza na watumishi wa SACCOS hiyo amewakaribisha kwaajili ya kujipatia elimu mbalimbali ikiwa Mahanje SACCOS ilianzishwa mwaka 1998 ikiwa na wananchama 68 na mtaji ulianzia shilingi elfu 68,000/=.

Masengo amesema hadi kufikia mwaka huu  Juni ,2024 Mahanje SACCOS inawachama 1669 wameweza kukusanya akiba za wananchama  zaidi ya shilingi milioni 400,amana za wananchama milioni 322.1,hisa za wananchama  Milioni 140.5,akiba maalumu milioni 33.

“Kwa upande wa mikopo ni jumla ya shilingi milioni 776.1zimetolewa kwa wananchama  na tumegawanya katika makundi,mkopo wa kilimo milioni 682, ujenzi milioni 32,biashara Milioni 32 ,ufugaji milioni 3.5,usafiri milioni 20.4 na elimu milioni 4.5”.

Aidha Masengo amesema Mahanje SACCOS inafanya kazi kwa ushirikiano Mkubwa na Halmashauri ya Wilaya ya Madaba akiwemo Afisa Ushirika wa halmashauri hiyo.

Kwa Upande wake Afisa Ushirika wa Halmashauri hiyo Sadam Fupi amesema kazi  kubwa wanayofanya ni kuhakikisha wanalea SACCOS na kusimamia  sheria za SACCOS  na kufanya ukaguzi wa mara kwa mara za kuangalia shughuli za chama.

“Chama cha Mahanje SACCOS kinatoa huduma kwa jamii na ni chama cha mda mrefu mambo yanaenda vizuri wananchama wanaongezeka na mikopo inalipika”.

Imeandaliwa na Aneth Ndonde

Kutoka Kitengo cha Mawasiliano Halmashauri ya Wilaya ya Madaba

Agosti 5,2024.