MSIMAMIZI wa uchaguzi Madaba atoa maelekezo ya uchaguzi wa Serikali za Mitaa

Posted on: September 30th, 2024

MSIMAMIZI wa uchaguzi  Halmashauri ya Wilaya ya Madaba  Sajidu Idrisa Mohamed  ametoa maaelekezo ya uchaguzi wa Serikali za Mitaa kwa wasimamizi ngazi ya vijiji,Kata , Halmashauri,na wawakilishi wa vyama vya siasa pamoja na viongozi wa dini.

Zoezi hilo limetolewa katika ukumbi wa mikutano wa Halmashauri ikiwa ni takwa la  kisheria la kuwajulisha wananchi kupata maelekezo  siku 62 kabla ya tarehe ya uchaguzi  kwa lengo la kuhakikisha taratibu zote zinafuatwa kwa wapiga kura na wagombea.

Hata hivyo amezitaja tarehe muhimu za kujiandikisha katika daftari la kudumu na tarehe za kuanza kwa kampeni na tarehe ya uchaguzi utakaofanyika mwaka huu 2024.

“Zoezi la kujiandikisha katika daftari la wapiga kura litaanza Oktoba 11 hadi 20,2024,Kampeni zitaanza Novemba 20 hadi 26,2024 na uchaguzi utafanyika Novemba 27,2024”.

Aidha ametoa wito kwa wananchi wote kujitokeza kushiriki uchaguzi wa Serikali za mitaa na kuzingatia kila jambo linalohusu uchaguzi kwa utulivu na  kuzingatia 4R za Mhe.Rais wa Jamhuri ya Muungano wa Tanzania Dr.Samia Suluhu Hassan.

Nao viongozi wa vyama vya Siasa wilioshiriki katika zoezi hilo wametoa pongezi kwa kushirikishwa  na kupewa taarifa kwa wakati hivyo wameahidi kwenda kutekeleza yote yanayopaswa kutekeleza na kutoa ushirikiano kwa amani na utulivu.

Imeandaliwa na Aneth Ndonde

Kutoka kitengo cha Mawasiliano Halmashauri ya Wilaya ya Madaba

Septemba 26,2024.