RAIS SAMIA ATIMIZA NDOTO ZA UJENZI WA SHULE YA AWALI NA MSINGI LITUTA, MADABA.

Posted on: September 2nd, 2025

Halmashauri ya Wilaya ya Madaba imepokea fedha kiasi cha shilingi milioni 314. kutoka Serikali Kuu kupitia mradi wa BOOST kwa mwaka wa fedha 2025/2026 kwa ajili ya ujenzi wa shule mpya katika Kata ya Lituta, Halmashauri ya Madaba mkoani Ruvuma.

Ujenzi huo utahusisha miundombinu ya elimu ya awali na msingi, ukiwa na lengo la kuboresha upatikanaji wa elimu kwa watoto wa kijiji cha Lituta na maeneo ya jirani.

Kupatikana kwa fedha hizo ni sehemu ya juhudi endelevu za Serikali ya Awamu ya Sita inayoongozwa na Mhe. Dkt. Samia Suluhu Hassan, Rais wa Jamhuri ya Muungano wa Tanzania, katika kusogeza huduma muhimu kwa wananchi na kuimarisha miundombinu ya elimu nchini, ili kuhakikisha kila mtoto anapata haki ya msingi ya elimu bora.