RC Ruvuma atoa rai kwa wakandarasi kuzingatia muda na ubora wa kazi

Posted on: October 21st, 2022

MKOA wa Ruvuma umeingia mikataba 13 na wakandarasi ambayo ni yahatua ya pili sawa na asilimia 40 yenye jumla ya  zaidi ya shilingi bilioni 6.

Mkuu wa Ruvuma Kanal Laban Tomas akizungumza katika hafla hiyo amesema mikataba hiyo iliyosainiwa ni utekelezaji wa  hatua ya pili kwa mwaka fedha 2022/2023.

Amesema mikataba hiyo inahusisha mikataba mitano ya jimbo itakayogharimu zaidi ya jumla ya kiasi cha shilingi bilioni 2 ikiwemo mikataba sita ya tozo itagharimu zaidi ya shilingi bilioni 2,mkataba mmoja wa matengenezo  kupitia mfuko wa barabara utakaogharimu kiasi cha fedha zaidi ya shilingi milioni 200 na mkataba wa fedha maalumu kutoka serikali kuuutagharimu kiasi cha fedha zaidi ya shilingi milioni 700.

Hata hivyo amesema Utekelezaji wa mikataba hiyo unaanza mwezi Oktoba na kumalizika mwezi Februari 2022 na kumalizika 2023 hivyo Mkuu wa Mkoa ametoa rai walioisaini mikataba kuhakikisha wanazingatia mda wa kuanza na kukamilisha pamoja na kuzingatia ubora wa kazi.

“Serikali haitasita kumchukuliahatua mkandarasi yeyote atakayekwenda kinyume  na makubaliano  yaliyomo katika mkataba”.

Mkuu wa Mkoa ametoa rai kwa Wakala wa Barabara za vijijini na mjini Mkoa wa Ruvuma kuhakikisha wanasimamia kazi kwa uadilifu mkubwa ili malengo yanayokusudiwa yakalimike.

Imeandaliwa na Aneth Ndonde

Kutoka Kitengo cha Mawasiliano Serikalini Ofisi ya Mkuu wa Mkoa wa Ruvuma

Octoba 21,2022.