ZAIDI ya shilingi Milioni 331 za mradi wa Boost kujenga Shule Mpya Madaba

Posted on: May 23rd, 2023

MKURUGENZI Mtendaji Halmashauri ya Wilaya ya Madaba Sajidu Idrisa Mohamed ametembelea eneo la ujenzi wa madarasa 8 na jengo la utawala utakaogharimu shilingi milioni 331,600,000/= za mradi wa Boost.

Shule hiyo inayojengwa Kata ya Mkongotema shule ya Lipupuma  kupitia mradi wa uboreshaji wa Miundombinu ya Shule za Msingi na awali ili kuimarisha upatikanaji wa fursa katika ujifunzaji  bora Tanzania Bara (BOOST)

Mkurugenzi amemwagiza Mtendaji Kata kuhakikisha sheria zinafuatwa pamoja na kanuni na taratibu za mradi.

“Hakikisheni mafundi wanapewa mikataba,Ujenzi uanze kwa wakati na kukamilika kwa wakati,majengo yajengwe yenye ubora ili tukikamilisha tupewe fedha zingine”.

Mohamed amempongeza Mh.Diwani  wa Kata hiyo Vastus Mfikwa kwa kutoa ushirikiano kuanzia kazi ilipoanza ya kusafisha eneo amekuwa eneo la mradi.

Kutoka Kitengo cha Mawasiliano Halmashauri ya Madaba

Mei 23,2023